Ferðaskrifstofa eldri borgara býður á ný upp á „Heilsuferð til Tékklands“ í fallegu náttúruumhverfi í litlum heilsulindarbæ þar sem fólki líður vel.

Ferðaskrifstofa eldri borgara býður á ný upp á Heilsuferð til Tékklands í fallegu náttúruumhverfi í litlum heilsulindarbæ þar sem fólki líður vel. Flogið er með Icelandair til Prag að morgni 6. október og ekið þaðan til bæjarins Mariánské Lázně í vesturhluta Tékklands. Dvalið verður á Hótel Royal Mariánské sem býður upp á þægindi í gistingu, úrval heilsumeðferða, góðan mat og er auk þess staðsett í mjög fallegu dalverpi með góðu útsýni til allra átta.

Í þessari ferð gefst fólki kostur á að slaka vel á, stunda göngur í fallegu umhverfi og njóta meðferða sem hafa góð áhrif á líkama og sál. Fararstjóri hefur þegar  ferðast til staðarins og kannað aðstæður dvalargesta. Fullt fæði er innifalið í ferðapakkanum og stutt er að ganga í verslanir og veitingastaði í þessum fallega bæ.

Takmarkaður sætafjöldi er í þessa ferð og fyrstur pantar – fyrstur fær.

Nánar um Mariánské Lázně

Heilsulindarbærinn Mariánské Lázně í vestanverðu Tékklandi er falin perla sem vert er heimsækja. Hér búa 14.000 manns í einstaklega fallegu og friðsælu umhverfi í jaðri Slavkovskógarins. Bærinn býður ekki aðeins upp á náttúrulegar uppsprettur og jarðefnalindir, heldur líka stórkostlega almenningsgarða og fallega byggingarlist, fjölbreytta menningu og afþreyingu af ýmsu tagi fyrir útivist, ekki síst hinn konunglega golfvöll sem Edward VII. Englandskóngur vígði árið 1904.

Flestar byggingar bæjarins eru frá gullöldinni á seinni hluta 19. aldar, þegar margir frægir einstaklingar og æðstu ráðamenn í Evrópu komu til að njóta læknismáttar  heilsulindanna. Má þar nefnda t.d. Sigmund Freud, Richard Wagner, Friedrich Nietzsche, Franz Kafka, Mark Twain, Thomas Alva Edison, Gustav Mahler, Pierre de Coubertin, Edward VII. Englandskonung, Nicholas II. Rússakeisara og Franz Joseph I. Austurríkiskeisara. Er því ekki að undra að árið 2021 komst bærinn á heimsminjaskrá UNESCO í flokki „Great Spa Towns of Europe“ vegna heilsubætandi uppsprettanna og einstakrar byggingalistar sem var einkennandi fyrir Evrópu á 19. til 20. öld.

6. október: Flogið er í beinu morgunflugi með Icelandair kl. 07:20 til Prag og lent þar kl. 13:05 að staðartíma. Kl. 14:00 er ekið afs tað með rútu til áfangastaðarins í Lázné og komið þangað 2 klst. síðar. Innritun á hótelið og kvöldverður í boði frá kl. 18:00.

7.–12. október: Daglegar meðferðir í 5 daga af 7 (ekki á sunnudegi) sem starfsfólk heilsuhótelsins bókar og ráðleggur fyrir farþega og taka stuttan tíma. Fararstjóri  mun aðstoða við bókanir og útskýra hvað felst í mismunandi meðferðum. Að öðru leyti hefst dagurinn með morgunverði, síðan er hádegisverður og loks kvöldverður á tilteknum tímum alla daga. Þess á milli er frjáls dagskrá þar sem tilvalið er að fá sér göngutúra eftir merktum gönguleiðum kringum bæinn. Einnig er hægt að ganga í nokkrar mínútur að miðbæjarkjarna bæjarns og skoða mannlífið, kaupa veitingar og njóta fallegrar náttúru.

13. október: Morgunverður og útritun af hóteli kl. 08:00. Kl. 8:30 er ekið af stað til Prag og komið á flugvöllinn um hádegisbil. Innritun fer fram í flug Icelandair með brottför kl. 14:05 og lent í Keflavík kl. 16:00 a íslenskum tíma.

• 239.000 kr. m.v. gistingu í tveggja manna herbergi.
Aukagjald fyrir eins manns herbergi: 29.000 kr.
Greiða þarf 50.000 kr. staðfestingargjald innan 3ja daga frá skráningu. Innheimta berst í heimabanka frá Niko ehf.
Greiða þarf lokauppgjör 60 dögum fyrir brottför og þá er hægt að greiða með kortum eða peningum.
Um endurgreiðslur gilda skilmálar ferðaskrifstofunnar sem nálgast má á fseb.is

Flug með Icelandair til og frá Prag ásamt 23 kg. innritaðri tösku, auk allra skatta og gjalda.
Gisting á Hótel Royal Mariánské í 7 nætur.
Allt að 14 meðferðir á 5 dögum eftir hentugleika og áhuga þátttakenda.
Fullt fæði – morgunverður, hádegisverður og kvöldverður alla daga.
Rútuakstur til og frá Prag-flugvelli.
Íslensk fararstjórn og daglegir fundir með fararstjóra.

Bóka

Skilaboð með pöntun geta t.d. verið óskir um séraðgengi, tegund herbergis (t.d. aðskilin rúm), spurningar til okkar varðandi ferðina. Hér er einnig góð hugmynd að taka það fram ef ferðast er með öðrum sem hafa bókað ef áhugi er fyrir því að vera með herbergi nálægt viðkomandi.

Þegar þú hefur staðfest bókun mun starfsmaður okkar hafa samband við þig til þess að ganga frá staðfestingargreiðslu. 

Uppselt er í þessa ferð. Hægt er að skrá sig á biðlista með því að hafa samband við okkur á niko@niko.is.

Einstaklings herbergin eru uppseld.
Eingöngu hægt að bóka fyrir tvo þess vegna.

Vídeó frá Spa Hótel Royal Mariánské: