Ferðaskrifstofa eldri borgara býður viðskiptavinum sínum upp á glæsilega skemmtisiglingu um Miðjarðarhafið dagana 30. ágúst til 11. september 2024

Flogið er með Play til Barcelona síðdegis 30. ágúst og farið á hótel í miðborg Barcelona þar sem gist verður í 2 nætur. Þann 1. september er ekið með rútu að höfninni í Barcelona þar sem skemmtiferðaskipið Escape býður við hafnarbakkann, tilbúið til brottfarar.

Glæsiskipið Norwegian Escape

Norwegian Escape var tekið í gegn í fyrra, en það var smíðað árið 2015. Það er tæplega 165.000 brúttótonn, 326 m á lengd og 55 metra breitt. Farþegar geta verið 4.266 og er Escape því það skip NCL sem tekur flesta farþega. Áhöfnin telur 1.733 og siglingarhraði er 23 hnútar. Um borð eru um 10 veitingastaðir, mörg kaffihús, diskótek og barir, sundlaugar, heitir pottar, líkamsrækt, spa og leikhús sem tekur um 800 manns í sæti og margt fleira. Skipið er afar glæsilega innréttað og þar fer ákaflega vel um farþega.

Þann 1. september leggur Escape af stað síðdegis frá Barcelona í 9 nátta ferð með viðkomu í 8 borgum við vestanvert Miðjarðarhaf auk Barcelona. Meðan á siglingunni stendur er allt innifalið auk gistingar, þ.e. morgunverður, hádegisverður, kvöldverður og drykkir (áfengir og óáfengir) sem þó takmarkast við 5 veitingastaði af þeim 11 sem eru á þessu glæsilega risaskipi. Viðkomustaðir auk Barcelona eru Cannes, Livorno/Flórens, Civitavecchia/Róm, Napólí, Cagliari, Mallorca og Ibiza – sjá nánar undir ferðatilhögun.

Fararstjóri er Gísli Jafetsson, einn reyndasti fararstjóri okkar sem hefur farið í fjölmargar ferðir með eldri borgara á undanförnum árum. Gísli verður farþegum innan handar og heldur daglega fundi á skipinu á umsömdum tíma. Meðan á ferðalaginu stendur er hægt að fara í land í þeim borgum sem skipið siglir til, ýmist á eigin vegum eða með því að panta sérstakar skoðunarferðir undir leiðsögn erlendra leiðsögumanna (ekki innifalið í verði). Vanalega er hægt að fara frá borði um kl. 9:00 og mæta þarf oftast í síðasta lagi klukkustund áður en skipið leggur úr höfn nema í þeim borgum þar sem gist er yfir nóttina. Þetta er eins konar ævintýraferð sem vert er að kynna sér nánar.

Ferðatilhögun

Flogið með Play frá Keflavíkurflugvelli kl. 14:50 og lent í Barcelona kl. 21:10 að staðartíma. Fararstjóri safnar hópnum saman í rútu sem bíður við flugstöðina og ekur að Hotel Zenith Barcelona í miðborginni. Þar er gist í 2 nætur áður en haldið er af stað í siglinguna.

Frjáls dagur í Barcelona og tilvalið að skoða sig um í þessari stórkostlegu borg.

Farþegar vakna í veðurblíðu og njóta morgunverðar á hótelinu. Kl. 11:45 er ekið með rútu að skipaafgreiðslu Norwegian við höfnina í Barcelona og tekur aksturinn 15-20 mín. Þegar þangað er komið er gengið að innritunarborðum og farangur tékkaður inn í Escape. Starfsfólk fer með töskur að káetum og gestir ganga um borð í skipið eftir að hafa fengið afhenta lykla. Strax er hægt að njóta veðurs og útsýnis frá þilförum skipsins og búa sig undir skemmtilega ferð. Escape siglir af stað um kl. 17:00 áleiðis til Cannes í Frakklandi. Um kvöldið er snæddur kvöldverður á þeim veitingastöðum sem í boði eru og fararstjóri fer nánar yfir tilhögun ferðar og fleira með farþegum.

Komið til Cannes í Frakklandi um kl. 08:00. Borgin er aðeins um 30 km frá Nice sem er austar á Rivíerunni. Cannes er þekkt fyrir hina árlegu kvikmyndahátíð þar sem Gullpálminn er afhentur. Þar er einnig Palais de Festival, þekkt sýningarhöll þar sem fjöldi viðskiptafólks sækir vörusýningar af ýmsu tagi á hverju ári. Gaman er að ganga um strandgötuna í Cannes og virða fyrir sér fallegar byggingar og iðandi mannlífið og tilvalið að skreppa í land þennan dag. Einnig er áhugavert að rölta um göngugötuna, sem er rétt ofan við strandgötuna, fara upp á hæðina þar sem kirkjan er og horfa yfir borgina. Farið um borð síðdegis skv. nánari áætlun og Escape leggur af stað um kl. 18:00 áleiðis til Livorno sem er hafnarborg Flórens og Písa á Ítalíu.

Komið að landi við Livorno um kl. 06:30. Livorno er í rúmlega 1 klst. akstursfjarlægð frá Flórens og Písa. Þar sem skipið liggur við höfn í Livorno í hálfan annan sólarhring gefst góður tími til að ferðast til þessara borga og til Cinque Terra, þorpanna fimm sem standa í fjallshlíð við jafn margar víkur. Fararstjóri ráðleggur farþegum hver er besti ferðamátinn. Fáar borgir eiga sér merkari listasögu en Flórens og því upplagt og kærkomið að ferðast þangað hluta úr degi. Escape verður við landfestar í Livorno til 4. september og leggur af stað kl. 19:00 áleiðis til Civitavecchia, hafnarborgar Rómar.

Escape leggur af stað kl. 19:00 áleiðis til Civitavecchia, hafnarborgar Rómar.

Komið í höfn í Civitavecchia kl. 06:30 og dvalið þar fram á kvöld. Hægt er að kaupa skipulagða skoðunarferð til Rómar með rútu og leiðsögumanni og tekur aksturinn þangað rúma klukkustund. Þó svo að merkilegt sé að koma til Rómar verður ekki mikið gert á einum degi annað en að upplifa borgina og sjá brot af mannlífi þar í einni skoðunarferð. Þeir sem kjósa að halda kyrru fyrir um borð njóta veðurblíðu á þilfari eða verja deginum með öðrum hætti. Siglt er frá Civitavecchia kl. 19:00 áleiðis til Napólí á Suður-Ítalíu. Kvöldverður um borð þegar farþegum hentar.

Lagst við landfestar í Napólí kl. 06:30. Farþegar ráða því sjálfir hvernig þeir verja deginum í þessari merku borg sem þekkt er fyrir nálægð sína við eldfjallið Vesúvíus. Eldgos í Vesúvíus árið 79 lagði meðal annars borgina Pompei í rúst og er ógleymanlegt skoða minjarnar um þær hamfarir sem fornleifafræðingar hafa grafið upp. Eins er gaman að skjótast til eyjarinnar Capri úti á flóanum og margir fara einnig til bæjarins Sorrento. Leiðin þangað er mjög falleg. Escape leggur úr höfn í Napólí um kl. 17:00. Ferðinni er nú heitið til Cagliari á eyjunni Sardinia en siglingin þangað tekur um 16 klst.

Komið til Cagliari kl. 09.00 að morgni. Farþegar stíga á land að vild og skoða sig um í miðborginni en í borginni búa um 150 þús. manns. Einnig er hægt að kaupa sér skoðunarferðir um eyjuna áður en haldið er til skips að nýju en Escape siglir frá höfninni kl. 16.00 áleiðis til Mallorca.

 

Lagst að bryggju í Palma de Mallorca kl. 12:00 á hádegi og dvalið þar fram á kvöld. Þangað hafa margir Íslendingar ferðast í gegnum tíðina og því kærkomið að fara í land, rifja upp gamlar minningar og heimsækja verslanir og veitingastaði ellegar kaupa sæti í skoðunarferð um eyjuna. Brottför frá Mallorca er kl. 23:00 og stefnan tekin á Ibiza.

Komið í höfn á eyjunni Ibiza kl. 07:00 að morgni. Ibiza er ein af Balear-eyjum en hinar eru Mallorca og Menorca. Fjölmargir hafa heimsótt Ibiza og vilja eflaust rifja upp gamlar minningar um veru sína þar og því tilvalið að skreppa í land þann daginn. Siglt er úr höfn kl. 18:00 og nú er stefnan tekin til Barcelona.

Escape leggst að bryggju í Barcelona eldsnemma morguns og stuttu síðar eða um kl. 09:00 er komið að því að yfirgefa skipið. Farþegar ganga frá töskum sínum kvöldið áður, starfsfólk á skipinu sækir töskurnar og síðan er hægt að nálgast þær á töskubeltum við skipshlið líkt og gerist á flugvöllum. Gengið er frá borði og í gegnum tollskoðun áleiðis að rútu sem bíður hópsins við skipaafgreiðsluna þaðan sem lagt var af stað í upphafi ferðar. Ekið verður að Hotel Zenit Barcelona þar sem innritun fer fram við fyrsta tækifæri. Herbergi eru almennt ekki laus fyrr en um/eftir hádegi en hægt verður að koma töskum fyrir í geymslu og drífa sig út í mannlífið á götum Barcelona. Gestir sjá um sig sjálfir að kvöldi þessa dags, ýmist á veitingastöðum í borginni eða hótelinu. Fararstjóri verður farþegum innan handar og aðstoðar þá sem þess óska.

Tékkað út af hóteli um hádegisbil og fararngri komið fyrir í töskugeymslu á hótelinu. Dagurinn er frjáls fram að kvöldmat. Rúta ekur hópnum á flugvöllinn í Barcelona kl. 18:30 þar sem innritun fer fram í flug Play sem áætlar brottför kl. 22:10. Lent er í Keflavík kl. 00:45 að íslenskum tíma.

Verð, innifalið og fararstjórn

Verð: 549.000 kr. á mann miðað við gistingu í tveggja manna klefa með svölum og útsýni að hafi.
Ekki ert hægt að bóka einstaklingsklefa í þessari ferð.
Geiða þarf 100.000 kr. staðfestingargjald pr. farþega við bókun sem innheimt verður í heimabanka.
Eftirstöðvar þarf að greiða fyrir 1. maí og þá er hægt að velja á milli greiðslu með peningum eða kreditkorti.

Flug Play til Barcelona 30. ágúst og til baka 11. september – allir skattar og gjöld.
20 kg innrituð taska er innifalin. Leyfilegur handfarangur, lítill persónulegur hlutur/taska að hámarki 10kg og stærð 42x32x25 cm og þarf að passa undir sætið fyrir framan þig.
Gisting á Hotel Hotel Zenit Barcelona í 3 nætur með morgunverði.
Rútuferðir til/frá flugvelli að hóteli og til/frá skipaafgreiðslu í Barcelona.
Gisting um borð í Escape í 9 nætur í tveggja manna klefa með svölum og útsýni að hafi.
Allur matur, skemmtiatriði, 2 kvöldverðir á sérvöldum veitingahúsum um borð og allir drykkir (upp að $15 pr. glas), skattar og þjórfé
Íslensk fararstjórn allan tímann.

Ekki innifalið:

VSK á mat og drykki þegar siglt er í spænskri, franskri og ítalskri lögsögu (ekki er hægt að áætla þennan kostnað).

Gísli Jafetsson

Gísli er einn reyndasti fararstjóri okkar sem hefur farið í fjölmargar ferðir með eldri borgara á undanförnum árum. Gísli verður farþegum innan handar og heldur daglega fundi á skipinu á umsömdum tíma.

Bóka

Uppselt – Biðlisti

Farþegi 1

Farþegi 1 er greiðandi
Farþegi 1 deilir herbergi með með farþega 2.
Farþegi 3 er í einsmannsherbergi.
Til að fá þrjú einsmannsherbergi þarf að gera þrjár bókanir með einum farþega.

Farþegi 1

Athugið:
Farþegi 1 er greiðandi
Farþegi 1 deilir herbergi með með farþega 2.
Farþegi 3 deilir herbergi með með farþega 4.
Til að fá t.d. eitt tveggjamanna herbergi og tvö einsmannsherbergi þarf að gera tvær bókanir aukalega með einum farþega.

Farþegi 3

Farþegi 3 er í einsmannsherbergi.

Farþegi 3

Farþegi 3 deilir herbergi með farþega 4.

Farþegi 4

Farþegi 3 deilir herbergi með farþega 4.
Skilaboð með pöntun geta t.d. verið óskir um séraðgengi, tegund herbergis (t.d. aðskilin rúm), spurningar til okkar varðandi ferðina. Hér er einnig góð hugmynd að taka það fram ef ferðast er með öðrum sem hafa bókað ef áhugi er fyrir því að vera með herbergi nálægt viðkomandi.

Þegar þú hefur staðfest bókun mun starfsmaður okkar hafa samband við þig til þess að ganga frá staðfestingargreiðslu. 

Uppselt er í þessa ferð. Hægt er að skrá sig á biðlista með því að hafa samband við okkur á niko@niko.is.