Færeyjar heilla alltaf

Ferðir okkar til Færeyja hafa verið þær vinsælustu af hópferðum okkar á undanförnum árum en Ferðaskrifstofa eldri borgara hefur boðið uppá 4 brottfarir á ári uppá síðkastið. Færeyingar eru einstaklega gestrisið og kurteist fólk sem tekur vel á móti Íslendingum með sínu fágaða viðmóti. Vegna fámennis íbúa á eyjunum (54.000 manns) gengur umferðin vel fyrir sig og nú orðið búa Færeyingar við frábært vegakerfi þar sem fjöldi jarðganga er nær helmingi meiri en á Íslandi. Auðvelt er að ferðast milli eyjanna á mun skemmri tíma en áður tiðkaðist og fer jarðgöngum enn fjölgandi á næstu árum. Maturinn er einstaklega góður og Hótel Brandan sem við eigum samstarf við opnaði árið 2020 og er bæði vel staðsett og stendur fullkomlega undir þeim 4 stjörnum sem það ber.  Ferðalag um eyjarnar er mikil skemmtun og í ferðum okkar ríkir mikil stemning enda er allt vel skipulagt og vandað til fararstjórnar.

24. apríl: Flogið með Atlantic Airways frá Keflavík kl. 11.45 og lent á flugvellinum í Vogey í Færeyjum kl. 14.10 að staðartíma. Flogið er með nýlegum og þægilegum þotum af gerðinni Airbus A321 sem skila farþegum upp að nýlegri og gæsilegri flugstöð í Vaagar.  Um kl. 14.45 er lagt af stað í stutta skoðunarferð til Gásadals þar sem er fámennasta byggðin í Færeyjum með aðeins 15 manns. Á leiðinni til baka er ekið í gegnum Sørvág og Sandvág og áætluð koma til Þórshafnar er um kl. 17.30.  Innritun á Hotel Brandan skömmu síðar þar sem gist verður í 4 nætur. Hótelið er glænýtt 4* hótel í Þórshöfn. Kvöldverður á hótelinu kl. 20.00 (19.00) en tímamismunur á Íslandi og Færeyjum er +1 klst.

25 apríl:  Kl. 10.00 er lagt af stað frá hóteli og ekið áleiðis til Klaksvíkur sem er næst fjölmennasti bær í Færeyjum. Hádegissnarl á eigin vegum eftir heimsókn í Christians kirkjuna í Klaksvík.  Eftir það er ekið til baka um Austurey og á leiðinni er komið við í Fuglafirði.  Á leið til Klaksvíkur verður ekið í gegnum nýju göngin til Rúnavíkur sem opnuðu á síðasta ári en í bakaleiðinni verður ekið gömlu leiðina og þannig einskonar hringferð um þessar fallegu eyjar sem eykur á ánægju farþega.  Áætluð koma til baka á hótel kl 16.00. Kvöldverður á hótelinu kl. 19.00.

26. apríl: Frjáls dagur til að skoða sig um í Þórshöfn, miðbæinn, verslunarmiðstöðina SMS og höfnina en þar er jafnan mikið líf. Kl. 15.00 safnast hópurinn saman við höfnina og fer ásamt fararstjóra í gönguferð um Tinganes, helsta sögustað Þórshafnar þar sem rikisstjórn Færeyja hefur m.a. aðsetur.  Eftir göngutúrinn er hægt að fá sér kaffi á kaffihúsi eða kvöldverð á þeim fjölmörgu veitingastöðum sem í boði eru í Þórshöfn.

27. apríl: Lagt af stað kl. 11.00 og þá verður ekið til Kirkjubæjar sem er sögustaður Færeyinga líkt og Þiingvellir okkar Íslendinga. Þar verða rústir krikjunnar sem er frá miðöldum skoðaðar og önnur hús á staðnum. Einnig verður boðið uppá hádegisverð í Kirkjubæ hjá þeim Jóannesi Paturssyni og Guðríði konu hans. Hús þeirra er elsta timburhús sem búið er í, í Evrópu og á sér sögu frá 18. öld. Á leiðinni að Kirkjubæ verður stoppað stuttlega í Norðurlandahúsinu og einnig ekið um Þórshöfn þar og stoppað á stöðum þar sem gott útsýni er yfir bæinn. Síðan ekið til baka með viðkomu í Norðurlandahúsinu þar sem hægt verður að kynna sér starfsemi hússins og skoða sig um í stutta stund.  Eftir það verður ekið um Þórshöfn og stoppað á útsýnisstöðum en ferðinni lýkur um kl. 15.30. Kvöldverður kl. 19 á hótelinu.

28. apríl: Lagt af stað frá hóteli kl. 05.45 á flugvöllinn. Innritun í flug Atlantic Airways með brottför kl. 07.45 og lent í Keflavík kl. 08.15.

Verð: kr. 209.900 á mann
Auka gjald fyrir einsmanns herbergi kr. 42.000.

Við skráningu þarf að greiða 50.000 staðfestingargjald. Innheimt er í gegnum heimabanka viðkomandi en einnig er hægt að greiða beint inná bankareikning (Niko ehf.).
sem er: 0586-26-6855, kt. 590110-1750. Eftirstöðvar, kr. 159.000 verða innheimtar 7 vikum fyrir brottför. Lokagreiðslu er hægt að greiða með peningum eða kreditkorti.

Innifalið: Flug og flugvallarskattar, gisting á Hotel Brandan 4* í 4 nætur m/morgunverði og 2ja rétta kvöldverði öll kvöld ásamt íslenskri fararstjórn og leiðsögn. Allur rútuakstur í skoðunaerferðir auk aksturs til og frá flugvelli við Vaagar. Hádegisverður í Kirkjubæ og aðgangur að Christianskirkjunni í Klaksvík.  Aukagjald vegna gistingar í eins manns herbergi er kr. 42.000.

Bóka

Farþegi 1

Þegar þú hefur staðfest bókun mun starfsmaður okkar hafa samband við þig til þess að ganga frá staðfestingargreiðslu.