Ferðaskrifstofa eldri borgara býður eldri borgurum í skemmtilega ferð til Edinborgar en borgin er af mörgum talin fegurst allra borga í Skotlandi

Að þessu sinni verður gist á Apex Waterloo Place 4* sem er afar vel staðsett hótel, við enda Princes Street sem skilur að gamla bæinn og þann nýja. Stór verslunarmiðstöð er við hlið hótelsins með fjölda verslana og veitingastaða. Flogið verður með Icelandair til Glasgow og ekið þaðan beint til Edinborgar þar sem gist verður í 4 nætur. Farið verður í skoðunarferð út fyrir borgina á whisky-búgarð og ferðast um fallegar sveitir landsin norður af Edinborg og m.a. siglt með fljótabát á hinu fallega stöðuvatni Loch Katrine. Farið verður í Edinborgarkastala auk Stirling kastala og þar að auki á ekta skoska söng- og danssýnningu „The Spirit of Scotland“ þar sem kvöldverður er snæddur fyrir sýninguna. Kvöldverðir eru innifaldir í verði öll kvöld og íslensk fararstjórn allan tímann. Boðið verður upp á 4ja nátta / 5 daga ferð með glæsilegum skoðunarferðum og kvöldverði öll kvöld.

16. apríl: Brottför kl. 0735 með flugi Icelandair FI430 til Glasgow og lent þar kl. 1050 að staðartíma. Síðan er ekið beint til Edinborgar þar sem innritun fer fram á Apex Waterloo. Frjáls dagskrá er fyrsta daginn en kvöldverður er snæddur á hótelinu kl. 19.00.

17. apríl: Eftir morgunverð er lagt af stað skoðunarferð um áhugaverða staði í Edinburgh svo sem Leith, Old & New Town, Carlton Hillog Holyrood. Þaðan verður ekið að Edinborgarkastala þar sem þessi sögufrægi kastali er skoðaður. Skoskur leiðsögumaður fylgir hópnum í samráði við fararstjóra. Um kvöldið verður farið á “Spirit of Scotland Show” þar sem borinn er fram 4 rétta kvöldverður (The Ceremony of the Haggis) og upplifuð hefðbundin skosk tónlist og dans. Auk málsverðar eru 2 drykkir innifaldir á mann. Ekið með rútu báðar leiðir.

18. apríl: Brottför með rútu kl. 09.00 áleiðis að Stirling kastala sem á sér fornfræga sögu líkt og Edinborgarkastali. Byggður á sautjándu öld og vinsæll af skoskum kóngum og drottningum. Eftir heimsóknina í kastalann verður ekið upp í land og á leiðinni stoppað á fallegu sveitasetri við bæinn Callander þar sem hægt verður að kaupa sér hádegismat (ekki inniflaið í verði). Kl. 14:30 verður siglt um stöðuvatnið Loch Katrine með fljótabát og hægt að njóta frábærs útsýnis og stórkostlegs landslags. Komið til baka á hótelið síðdegis þar sem kvöldverður er snæddur kl. 19.30.

19. apríl: Eftir morgunverð er haldið af stað í hálfsdags ferð í “Glenkinchie Distillery” sem er þekktur malt Whiskey framleiðandi. Þar fá ferðalangar að sjá hvernig gott Whisky er framleitt hjá þessu reynda brugghúsi sem framleiðir m.a. whisky fyrir Jonny Walker. Gestir fá smakk áður en haldið er til baka til Edinborgar þangð sem komið verður um kl. 13.00 Frjáls dagskrá það sem eftir lifir dags. Kvöldverður á Apex Waterloo kl. 19.00.

20. apríl: Kl. 09.30 eru herbergi rýmd og farþegar undirbúa sig fyrir brottför. Kl. 10.00 er ekið af stað áleiðis að Glasgow flugvelli þar sem innritun fer fram í flug Icelandair FI431 með brottför kl. 13.40. Lent er í Keflavík kl. 15.00 að staðartíma.

Verð: kr. 209.000 á mann miðað við gistingu í tveggja manna herbergi.
Aukagjald fyrir gistingu í einstaklingsherbergi  er kr. 49.000.

Geiða þarf 50.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar allt að 60 dögum fyrir brottför og þá er hægt að velja á milli greiðslu með peningum eða kreditkorti. 

Flug Icelandair til Glasgow 16. apríl og til baka 20. apríl – allir skattar og gjöld

Gisting í 4 nætur á Apex Waterloo Place 4* með morgunverði

2ja rétta kvöldverður á hótelinu 3 kvöld af 4 (drykkir ekki innifaldir)

Allur akstur og skoðunarferðir skv. ferðalýsingu

Aðgöngumiði á „Spirit of Scotland Show“ ásamt kvöldverði og drykkjum

Aðgöngumiðar að köstulum og þeim stöðum sem heimsótir eru

Íslensk fararstjórn og leiðsögn að hluta til á ensku

Bóka

Þegar þú hefur staðfest bókun mun starfsmaður okkar hafa samband við þig til þess að ganga frá staðfestingargreiðslu.