Ferðaskrifstofa eldri borgara býður á ný uppá ferð til suð-austur Englands en báðar ferðir árið 2022 seldust upp á skömmum tíma

Við heimsækjum fagrar sveitir East Sussex og Kent. Gist verður á hinu glæsilega Leonardo Royal Hotel Waterfront Brighton 4* sem staðsett við ströndina í miðborg Brighton. Farið verður í skoðunarferðir um sveitir landsins, kastalar heimsóttir auk dagsferðar til Kantaraborgar (Canterbury) og Balfour vínekranna. Kvöldverðir eru innifaldir öll kvöld og íslensk fararstjórn allan tímann.

30.apríl: Brottför kl. 07:45 með flugi Icelandair FI470 til London Gatwick. Lent kl. 11:45 að staðartíma. Síðan er ekið beint til Brighton þar sem innritun fer fram á Leonardo Royal Hotel Waterfront Brighton hótelið sem staðsett er við ströndina á King´s Road – sjá nánar hér.
Síðan hefur fólk frjálsan tíma það sem eftir er dags og upplagt að rölta um borgina og skoða sig um á merkum stöðum eins og Royal Pavilion safninu, the Lanes sem þekkt fyrir margar verslanir og markaði í mjóum steinhellu lögðum göngugötum sem er staðsett aftan við hótelið og svo er strandlengjan og Brighton Pier staðsett framan við hótelið. Kvöldverður kl 19:00 á hótelinu.

1. maí: Eftir morgunnverð er lagt af stað frá hótelinu kl. 09:00 áleiðis til Rye, líflegur markaðsbær með hlykkjóttum hellusteins götum. Á milli 12:00 – 13:30 hádegisverður á eigin vegum (ekki innifalinn) og frjáls tími í Rye og njóta þessa fallega bæjar með gömlum húsum í sinni upprunalegu mynd. Eftir hádegisverðinn er haldið áfram meðfram suðurströnd Englands og Seven Sisters klettaströndin heimsótt en klettarnir eru hluti af South Downs þjóðgarðinum. Stórbrotið útsýni. Kvöldverður á hótelinu kl 19:00.

2. maí: Dagurinn tekinn snemma og eftir morgunverð er farið frá hótelinu kl 08:00 og ekið áleiðis til hinnar merku Kantaraborgar. Komið er þangað um 10:15 og er fyrsta stopp “University City” of Canterbury, pílagrímastaður í yfir 800 ár eða frá morði Thomas Beckett 1170. Í dag einn frægasti og mest heimsóttai staður á Englandi. Eftir það er hin stórbrotna Dómkirkja Canterbury heimsótt. Hádegisverður á eigin vegum (ekki innifalinn).
Ekið frá Kantaraborg kl. 13:30 áleiðis til baka til Brighton en á leiðinni er stoppað í Balfour vínekrunum þar sem tækifæri gefst til að smakka framleiðsluna en staðurinn er leiðandi á enskum freyðivínum og einnig hefðbundnum vinum. Komið til baka á hótelið 18:30. Kvöldverður á hóteli kl. 19:30.

3.maí: Eftir morgunnverð er farið frá hótelinu kl 09:00 til hins sögufræga bæjar Lewes, höfuðstaður austur Sussex sem hýsir helstu opinberar stofnanir fyrir sýsluna. Bærinn er einnig þekktur fyrir sína sölumarkaði og verslanir. Við heimsækjum líka Lewes kastala sem reistur var eftir orrustuna við Hastings af stuðningsmönnum Vilhjálms sigursæla (William the Conqueror) og einnig Ann of Cleves House. Glæsilegt miðaldar timurhús frá 15. Öld en Henry VIII gaf eiginkonu sinni Ann Cleves húsið. Helmingur hópsins skoðar kastalann á meðan hinn helmingurinn skoðar Ann Cleves House. Síðan gefst fólki kostur á að rölta um miðbæinn, skoða í búðir og fá sér kanski hressingu. Kl. 13:00 er eki til baka til Brighton og folk hefur restina af deginum frjálsan. Upplagt að fara í Mollið við Churchill Square eða rölta um The Lanes og skoða sérverslanirnar þar. Upplagt að fá léttan hádegisverð í einhverri kránni í The Lanes.
Kvöldverður á hótelinu kl 19:00.

4. maí: Eftir morgunverð eru herbergi rýmd og farþegar undirbúa sig fyrir brottför. Kl. 09:30 er ekið frá hoteli að London Gatwick flugvelli þar sem innritun fer fram fyrir flug Icelandair FI471 með brottför kl. 13:05 og lent í Keflavík kl. 15:15.

Verð: kr. 239.000 á mann miðað við gistingu í tveggja manna herbergi.
Aukagjald fyrir gistingu í einstaklingsherbergi  er kr. 64.000.

Geiða þarf 50.000 kr. staðfestingargjald pr. farþega við bókun sem innheimt verður í heimabanka.

Eftirstöðvar verða innheimtar allt að 60 dögum fyrir brottför og þá er hægt að velja á milli greiðslu með peningum eða kreditkorti. 

Flug til London Gatwick 30. apríl og til baka 4. maí, allir skattar og gjöld

Farþegar sem eru í Vildarklúbbi Icelandair fá punkta fyrir flugið

Gisting í tveggja manna herbergi í 4 nætur á Leonardo Royal Hotel Brighton Waterfront

Morgunverður og 2ja rétta kvöldverður á hótelinu öll kvöld

Allur akstur og skoðunarferðir skv. ferðalýsingu

Aðgöngumiðar að köstulum/söfnum/kirkjum og vínsmökkun samkvæmt lýsingu.

Íslensk fararstjórn allan tímann og leiðsögn á ensku í sköðunarferðum

Bóka

Þegar þú hefur staðfest bókun mun starfsmaður okkar hafa samband við þig til þess að ganga frá staðfestingargreiðslu.