Flogið með Icelandair frá Keflavík á sunnudagsmorgni 27.-30. nóvember. Dvalið er á hinu glæsilega hóteli Skt. Petri (Nánar um hótelið) í miðborg Kaupmannahafnar þaðan sem stutt er á Strikið, í verslanir eða á veitingastaði.

Dagskrá ferðanna tekur mið af þörfum eldra fólks og er bæði menningarleg, fræðandi og skemmtileg. Á komudegi er snæddur ekta danskur matur á veitingahúsinu Karla og á mánudagsmorgni er farið er í gönguferð um gamla bæinn undir leiðsögn Ástu Stefánsdóttur.  Á þriðjudegi er haldið í heimsókn í Jónshús þar sem Halla Benediktsdóttir staðarhaldari tekur á móti hópnum og fræðir um sögu þessa merka húss. Síðar um kvöldið er farið í Tivoli þar sem snæddur er „julefrokost“ á veitingastaðnum Grøften í Tivoli.  Þá er farið í skemmtisiglingu á lokadegi þar sem jazzbandið Scandinavian Rythmboys leikur skemmtilega tónlist meðan siglt er um síkin og borgin skoðuð frá öðru sjónarhorni.  Síðdegis er svo haldið með rútu á Kastrup flugvöll þaðan sem brottför er um kvöldið með Icelandair til Keflavíkur.